У экспазіцыі прадстаўлены аўтарскія выцінанкі - ажурныя ўзоры, выразаныя нажніцамі з паперы. У экспазіцыі прадстаўлены звыш сямі дзясяткаў работ Марыны Сярчэні з Палічнага, Надзеі Астрэйка і Наталлі Цыба з Урэчча, Алены Радкевіч з Асаўца і Святланы Адзінец з Закальнога - майстрых, якія ператварылі выцінанку ў творы дэкаратыўна-прыкладнога мастацтва самай высокай пробы. Са сваім адметным творчым почыркам, з арыгінальнай манерай, з надзвычай багатай фантазіяй.
Прадстаўлены на выставе і работы народнага майстра Наталлі Рыгораўны Адзінец з Рачэні – аднаго з носьбітаў традыцый народна-бытавой выцінанкі, якая бярэ пачатак у глыбіні стагоддзяў, са старажытных часоў зрабілася цудоўным спосабам упрыгожвання жытла беларусаў.